سياسة الخصوصية

آخر تحديث: 1 أكتوبر 2026

توضّح هذه الصفحة البيانات التي تجمعها Rafeeq (الموقع وتطبيق أندرويد وتطبيق الآيفون) من مستخدميها، وكيفية استخدامها وحمايتها. باستخدامك للموقع أو التطبيق فأنت توافق على هذه السياسة.

البيانات التي نجمعها

• بيانات الحساب: بريدك الإلكتروني واسمك. البريد الإلكتروني هو هوية حسابك، وعليه بنبعت الشريحة وبيانات التفعيل وفاتورة الطلب. لو سجّلت الدخول بحساب Google أو Facebook أو Apple، بناخد منهم البريد والاسم بس. ولو اخترت «إخفاء بريدي» في تسجيل الدخول بـ Apple، بنستخدم البريد الوسيط اللي Apple بتديهولنا.
• رقم الواتساب (اختياري): لو كتبته، بنأكده بكود على واتساب وبنستخدمه للتواصل معاك بخصوص طلباتك والدعم.
• بيانات الطلبات: رقم الطلب، والباقة، والمبلغ، وحالة الدفع، وبيانات الشريحة (ICCID ورمز التفعيل)، عشان نعرضلك مشترياتك ونصدر الفواتير.
• بيانات الاستهلاك: حالة الشريحة واستهلاكها من مزوّد الخدمة، لعرضها لك في «مشترياتي».
• بيانات قياس الإعلانات: أحداث زي مشاهدة باقة وبدء الدفع وإتمام الشراء، وبتتبعت لـ Meta (Facebook) عشان نعرف أنهي إعلاناتنا بتوصل للناس. شوف قسم «الإعلانات والتتبع» تحت.

مش بنجمع موقعك الجغرافي، ولا جهات الاتصال، ولا الصور، ومابتوصلناش بيانات بطاقتك البنكية.

كيف نستخدم بياناتك

• تجهيز الشريحة وإرسال بيانات التفعيل على بريدك الإلكتروني (وعلى واتساب لو أضفت رقمك).
• عرض مشترياتك واستهلاكك ورصيد محفظتك عند تسجيل دخولك.
• التواصل معك بخصوص طلب أو مشكلة تخصّه.
• قياس أداء إعلاناتنا على Meta (بموافقتك على الآيفون).

لا نبيع بياناتك لأي طرف ثالث.

الإعلانات والتتبع

بنستخدم Meta Pixel على الموقع وMeta App Events في التطبيق، عشان نقيس الإعلانات اللي بتجيب عملاء. على الآيفون التطبيق بيسألك الأول (App Tracking Transparency)، ولو رفضت مابنستخدمش معرّف الإعلانات بتاع جهازك (IDFA). تقدر تغيّر رأيك في أي وقت من إعدادات الآيفون ← الخصوصية والأمان ← التتبع. وعلى أندرويد تقدر تمسح أو توقف معرّف الإعلانات من إعدادات Google في موبايلك.

مين بيشارك معاه البيانات

• eSIM Access وesimcard: موردي الشرائح؛ لتوفير الشريحة وبيانات الاستهلاك.
• EasyKash: لمعالجة الدفع (كارت، محفظة، فوري). لا تصل بيانات بطاقتك إلينا؛ EasyKash هي من تتعامل معها مباشرة.
• Google Firebase: لإدارة تسجيل الدخول وحفظ الحساب.
• Google وMeta (Facebook) وApple: لتسجيل الدخول بحسابك عندهم، لو اخترت ده.
• Meta: لقياس الإعلانات، زي ما هو موضح فوق.
• Zoho: لإرسال رسائل البريد الإلكتروني (بيانات الشريحة والفواتير).
• WhatsApp (Meta): لإرسال كود تأكيد الرقم ورسائل الدعم، لو أضفت رقمك.

حفظ البيانات وحذفها

تقدر تحذف حسابك بنفسك في أي وقت من صفحة «حسابي» في التطبيق أو على الموقع (getrafeeq.app/usage/#account). الحذف بيمسح حسابك وبيانات الدخول ورصيد المحفظة وكود الإحالة نهائيًا، ولو كنت داخل بحساب Apple بيلغي كمان ربط التطبيق بحسابك عند Apple. بيانات الطلبات والفواتير (رقم الطلب، الباقة، المبلغ) بنحتفظ بيها للأغراض المحاسبية والضريبية المطلوبة قانونًا فقط. ولو محتاج مساعدة في الحذف، تواصل معنا عبر واتساب.

رموز التثبيت

رمز تثبيت الشريحة (installToken) يُحفظ على متصفح أو جهاز الشراء فقط، ولا يُرسل لأي جهة أخرى إلا عند طلب حالة التثبيت نفسه.

تواصل معنا

لأي استفسار عن الخصوصية، تواصل معنا عبر واتساب من داخل التطبيق أو الموقع، أو على البريد الإلكتروني: support@getrafeeq.app